မကြာသေးမီတုန်းက ဆိုရှယ်မှာနာမည်ကြီးလာတဲ့ နွားတစ်ကောင်ကို ခင်ပွန်းတော်စပ်ထားတဲ့ ကမ္ဘောဒီးယားက အမျိုးသမီးတစ်ဦးထံကို စိတ်ဝင် စားလို့ လာရောက်ကြည့်ရှုတဲ့သူ တစ်ရာနီးပါး နေ့စဉ်ရှိတယ်လို့ သိရပါတယ်။ အသက် ၇၄ နှစ်အရွယ် အမျိုးသမီး ကင်မ်ဟန်ဆီမှာ ခင်ပွန်းဖြစ်သူက နွားတစ်ကောင်အဖြစ် ပြန်လည်မွေးဖွားလာပြီး နေထိုင် တယ်လို့ ရွာသားတွေနဲ့ မိသားစုဝင်တွေက ယုံကြည်ထားကြပါတယ်။
လွန်ခဲ့တဲ့ နှစ်အနည်းငယ်လောက်ကမှ သေဆုံးသွားခဲ့တဲ့ ခင်ပွန်းဖြစ်သူက သိပ်မကြာခင် ဇနီးသည်ထံ မှာ နွားတစ်ကောင်အဖြစ် ပြန်လည်ဝင်စားမွေးဖွားလာတာဖြစ်တယ်လို့ ဆိုကြပါတယ်။ ခင်ပွန်းသည် မသေဆုံးခင်က နေထိုင်ခဲ့တဲ့ပုံစံတွေအတိုင်းပဲ ခနွားဖြစ်လာတဲ့ဘဝမှာလည်း သူမခံစားသိရှိရတယ်လို့ ဆိုကာ သူမရဲ့ ခင်ပွန်းသည်ဖြစ်လိမ့်မယ်ဆိုတာ ယုံကြည်ကြောင်း အဆိုပါအမျိုးသမီးက ဆိုထားပါတယ်။
“ ဒီနွားငယ်လေးက ဘယ်လိုပဲဖြစ်ဖြစ် ကျွန်မခင်ပွန်းလို့ ယုံကြည်ပါတယ်။ ကျွန်မခင်ပွန်းအသက်ရှင်စဉ် တုန်းကအတိုင်းပဲ သူနေထိုင်ပြုမူတဲ့ပုံစံတွေက တစ်ထေရာတည်းပဲလေ။ ဒါ့ကြောင့် ကျွန်မခင်ပွန်းလို့ ခံစားလို့ရပါတယ်” လို့ ရိုက်တာတီဗွီကို ပြောကြားခဲ့ပါတယ်။ အဆိုပါ နွားငယ်လေးကို ပြီးခဲ့တဲ့ မတ်လ တုန်းက မွေးဖွားခဲ့ပြီး လက်ရှိအချိန်အထိတော့ ဆိုရှယ်မီဒီယာတွေမှာ နာမည်ကျော်ကြားနေပါတယ်။
သေပြီးနောက်ဘဝ ပြန်ဝင်စားကြတယ်ဆိုတဲ့ ယုံကြည်မှုတစ်ခုက တချို့သော လူ့အသိုင်းအဝိုင်းမှာ တော့ နက်နက်ရှိုင်းရှိုင်းကိုယုံကြည်တတ်ကြပါတယ်။ သေပြီးသား လူတစ်ယောက်က လူ့ဘဝတစ်ဖန် ဖြစ်စေ၊ ဒါမှမဟုတ် တခြားကျင်လည်ရာ ဘဝသစ်တစ်ခုမှာ ပြန်လည်ဝင်စားတတ်ကြပြီး မိသားစုထဲမှာ ပဲ ဆက်လက်နေထိုင်တတ်ကြတယ်လို့ ဆိုပါတယ်။
သဒ္ဒါချို(ရွှေအင်းလေး)
No comments