အသက်အရွယ်ရလာတာနဲ့အမျှ ဘ၀ရဲ့အတွေ့အကြုံတွေကို ပိုမိုနားလည်လာပြီး ကျွန်တော်တို့ကို ဘာတွေက ပျော်ရွှင်စေတာလဲဆိုတာကို သိလာပါတယ်။ ပျော်ရွှင်မှုဆိုတာကလည်း စိတ်ဝင်စားစရာကောင်းပါတယ်။ ပျော်ရွှင်မှုဆိုတာ ဘ၀က ဆောင်ယူလာပေးတဲ့ အောင်မြင်မှုတွေလို့ ဆိုနိုင်ပါတယ်။ သင့်အတွက် အရာရာအားလုံး အဆင်ပြေချောမွေ့နေရင် သင် ပျော်ရွှင်နေရတယ် မဟုတ်ပါလား။
ပျော်ရွှင်မှုက ပုံစံမျိုးစုံနဲ့ ရှိနိုင်ပါတယ်။ လူတစ်ယောက်နဲ့ တစ်ယောက် ပျော်ရွှင်မှုကို ခံစားရပုံချင်း မတူကြပါဘူး။ သင့်ရဲ့ ပျော်ရွှင်မှုကို ဖော်ထုတ်နိုင်ဖို့ သင့်ဘ၀မှာ လုပ်စရာတွေရှိပါတယ်။ ဘ၀တစ်ခုလုံး ပျော်ရွှင်နေရဖို့အတွက် လေ့လာသင်ယူသင့်တဲ့အရာ (၁၀)ခု ရှိပါတယ်။
၁။ ချစ်တယ်လို့ ပြောတတ်အောင် လေ့လာသင်ယူပါ။
လူတစ်ချို့အတွက် ဒီစကားကို ပြောနိုင်ဖို့ တော်တော်ခက်ခဲနေတတ်ပါတယ်။ အထူးသဖြင့် မိသားစုဝင်အချင်းချင်းထဲမှာပါ။ တကယ်တမ်းတော့ အသက်အရွယ်ရလာတာနဲ့အမျှ သင့်ဘ၀တစ်လျှောက်လုံးမှာ သင့်မိသားစုက သင့်အတွက်ဘာတွေလုပ်ခဲ့ပေးလဲဆိုတာကို သိမြင်သဘောပေါက်လာပြီး ကျေးဇူးတင်တတ်လာမှာပါ။ ချစ်တဲ့အကြောင်းကို ပြောတတ်မယ်ဆိုရင် မိသားစုဝင်တွေကြားထဲက ဆက်ဆံရေး တိုးတက်လှပလာမယ့်အပြင် ပွင့်လင်းမြင်သာမှု၊ ရိုးသားမှု၊ ယုံကြည်မှုတို့ကို တည်ဆောင်ပြီးသားဖြစ်သွားမှာပါ။ ဒီအချက်တွေကလည်း သင့်ကို ပျော်ရွှင်စေနိုင်မှာပါ။
၂။ မေ့ဖျောက်တတ်အောင် လေ့လာသင်ယူပါ။
သင့်ဘ၀မှာ သစ္စာဖောက်ခံရတာ ဒါမှမဟုတ် ဆွဲချခံရဖူးတာ ဘယ်နှစ်ကြီးကြုံခဲ့ရဖူးပါသလဲ။ သင့်အနေနဲ့ရော အခြားသူတွေကို ကျဆုံးအောင်လုပ်ခဲ့ဖူးတာ ဘယ်နှစ်ကြိမ်ရှိခဲ့ဖူးပါသလဲ။ ခက်ခဲတယ်ဆိုပေမယ့် အခြားသူတွေကို ခွင့်လွှတ်ဖို့နဲ့ ကိုယ့်ကိုယ်ကိုယ် ခွင့်လွှတ်တတ်ဖို့က ပျော်ရွှင်မှုကို ခံစားနိုင်ဖို့အတွက် လိုအပ်ပါတယ်။
၃။ ငြင်းပယ်တတ်ဖို့ လေ့လာသင်ယူပါ။
လူတွေ၊ ပွဲလမ်းတွေ၊ အခြေအနေတွေကို ငြင်းဆိုဖို့အတွက် အားနာနေတတ်ပါသလား။ ဘူးတစ်လုံးဆောင် အိုတောင် မဆင်းရဲဆိုတဲ့စကားရှိပါတယ်။ ငြင်းစရာတွေကို မငြင်းနိုင်ရင် သင့်ဘ၀ကို ဟန်ချက်ပျက်စေနိုင်ပါတယ်။ သင် အမှန်တကယ်ယုံကြည်တဲ့အရာ၊ တန်ဖိုးထားတဲ့အရာ နဲ့ သင့်ဘ၀အတွက် အရေးကြီးတဲ့အရာကို အာရုံစိုက်နိုင်ဖို့ ငြင်းသင့်တာတွေကို ငြင်းပယ်တတ်ဖို့ မဖြစ်မနေလိုအပ်ပါတယ်။
၎။ နေ့တိုင်း စိတ်အားထက်သန်မှုရှိနေဖို့ လေ့လာသင်ယူပါ။
သင့်ရဲ့ လက်ရှိအခြေအနေက သင်စိတ်ကူးထားတဲ့အတိုင်း၊ သင်ဖြစ်ချင်တဲ့အတိုင်း ဖြစ်နေပါသလား။ သင်ဖြစ်ချင်တာ၊ စိတ်အားထက်သန်တာကို လုပ်ဆောင်ဖို့အတွက် နေ့တိုင်း အချိန်လေးနည်းနည်းလောက် ပေးနိုင်မယ်ဆိုရင်တောင်မှ ဘ၀မှာ ဖြစ်ချင်တာတွေကို ဖြစ်အောင်လုပ်နိုင်ဖို့အတွက် စိတ်ခွန်အား ရှိနေစေမှာဖြစ်ပါတယ်။
၅။ ကျန်းမာအောင်စားသောက်ပြီး ပုံမှန်လေ့ကျင့်ခန်းလုပ်ဖို့ လေ့လာသင်ယူပါ။
သင်စားတဲ့အတိုင်း သင်ဖြစ်တယ်ဆိုတဲ့ ရှေးစကားက အခုခေတ်မှာ ပိုပြီးမှန်ကန်လာပါတယ်။ ကျန်းမာရေးနဲ့ပတ်သက်တဲ့ သတင်းအချက်အလက်တွေ၊ အကြောင်းအရာတွေ ဒီခေတ်မှာ အများကြီးရှိပါတယ်။ သိပ္ပံနည်းကျ လေ့လာမှုတွေအရလည်း ကျန်းမာရေးနဲ့ ညီညွတ်တာတွေ စားသောက်ပြီး ကိုယ်လက်လေ့ကျင့်ခန်း ပုံမှန်လုပ်ဆောင်တာက သင့်ဘ၀ကို ပိုမိုကျန်းမာ ပျော်ရွှင်စေနိုင်တယ်လို့ အတိအလင်း ထုတ်ပြန်ထားပြီးဖြစ်ပါတယ်။
၆။ စိတ်ရင်းအတိုင်း လေးလေးနက်နက် ဆက်ဆံနိုင်ဖို့ လေ့လာသင်ယူပါ။
အခြားသူတွေနဲ့ လေးနက်တဲ့ သံယောဇဉ်တွေ၊ ခင်မင်ရင်းနှီးမှုတွေ တည်ဆောက်ဆက်ဆံတာက မခက်ခဲပါဘူး။ လူတွေကို စိတ်ရင်းအတိုင်း ခင်ခင်မင်မင်ဆက်ဆံမယ်ဆိုရင် သက်တောင့်သက်သာဖြစ်ရုံသာမက ရိုးသားပွင့်လင် စေပါတယ်။ ဒါက ကိုယ့်ကိုယ်ကိုယ် ကူညီရာရောက်ပြီး ပျော်ရွှင်တဲ့ပုဂ္ဂိုဟ်တစ်ယော်ဖြစ်စေမှာပါ။
၇။ ဘ၀ကို ကွဲပြားစွာရှုမြင်နိုင်ဖို့ လေ့လာသင်ယူပါ။
ဘ၀ဆိုတာက အရမ်းအပြင်းအထန်ကြီး သဘောထားယူဆဖို့ မဟုတ်ပါဘူး။ ဘ၀ဆိုတာက ကျွန်တော်တို့မှာ ရှိတဲ့အချိန်လေးကို ပျော်ရွှင်ခံစားဖို့ပဲ ဖြစ်ပါတယ်။ ကျွန်တော်တို့အားလုံး ဒီဘ၀မှာ ဒီတစ်ခါပဲ ရှင်သန်ကြတာဖြစ်ပါတယ်။ အသက်အရွယ်ပိုကြီးလာတာနဲ့အမျှ အချိန်တွေ ပိုပြီးမြန်မြန်ကုန်ဆုံးသွားတာကို သတိထားမိလာမှာပါ။ ဒါ့ကြောင့် ဘ၀ရဲ့လက်ရှိအချိန်တွေကို အသိအမှတ်ပြု တန်ဖိုးထားဖြတ်သန်းပါ။
၈။ ကိုယ်ပိုင်ရည်မှန်းချက်တွေ ထားရှိနိုင်ဖို့ လေ့လာသင်ယူပါ။
သင့်မှာ ကိုယ်ပိုင်ရည်မှန်းချက်ရှိပြီး ဒီရည်မှန်းချက်ဖြစ်မြောက်အောင် လုပ်ဆောင်နေပါသလား။ ဒါမှမဟုတ် သင့်ပတ်ဝန်းကျင်က သင့်အတွက် လုပ်ဆောင်ပေးနေပါသလား။ ကျွန်တော်တို့ အားလုံးဟာ ဘာလုပ်ပါ၊ ဘာဖြစ်ရမယ်လို့ ပြောနေတဲ့ လူမှုအသိုင်းအ၀ိုင်းထဲမှာ ရှင်သန်နေရတာဖြစ်ပါတယ်။ ငယ်စဉ်တုန်းက အတန်းထဲမှာ အဆင့်ဘယ်လောက်ရရမယ်ဆိုပြီး မိဘတွေက ပြောပါတယ်။ အရွယ်ရောက်လာတော့ ဘ၀မှာ ဘယ်လိုနေသင့်တယ်လို့ မီဒီယာတွေက ပြောကြပါတယ်။ ဒါ့ကြောင့် ကိုယ်ပိုင်ရည်မှန်းချက်ထားရှိပြီး ဒီရည်မှန်းချက်တွေ ဖြစ်မြောက်အောင်မြင်သည်အထိ အာရုံစိုက်လုပ်ဆောင်နိုင်ဖို့လိုပါတယ်။ အခြားသူတွေ ပြောတဲ့စကားထက် ကိုယ်တိုင်တန်ဖိုးထားတဲ့အရာတွေအတွက် အသက်ရှင်ရတာက ပိုပြီးပျော်စရာကောင်းပါတယ်။
၉။ ကောင်းမွန်သည့်အရာတွေကို သိရှိလာဖို့ လေ့လာသင်ယူပါ။
အသက်အရွယ်ရလာတာနဲ့အမျှ သင့်ပတ်ဝန်းကျင်က လောကကြီးကို ပိုပြီးသတိပြုမိလာမှာပြီး ဘယ်လောက် ကောင်းမွန်တဲ့ ဖြစ်တည်မှုတွေလဲဆိုတာ သဘောပေါက်လာပါလိမ့်မယ်။ ကျန်းမာရေးကောင်းမယ်၊ လူမှုဝန်းကျင်ကောင်းတစ်ခုရှိမယ် ဒါမှမဟုတ် သင်ရွေးချယ်တဲ့ ဘ၀မျိုးမှာ နေထိုင်ခွင့်ရမယ် စတာတွေဟာ သင့်အတွက် ကောင်းမွန်တဲ့အရာတွေ ဖြစ်ပါတယ်။ အားလပ်ချိန်မှာ၊ စာဖတ်ဖို့၊ တစ်ခုခုကို လေ့လာနိုင်ဖို့အတွက် အင်တာနက်သုံးနိုင်တာကိုကလည်း ကောင်းမွန်တဲ့အရာဖြစ်နေပါပြီ။ ကမ္ဘာပေါ်မှာ သင့်လို အင်တာနက်မသုံးနိုင်သေးတဲ့လူတွေ အများကြီးရှိပါသေးတယ်။ ကောင်းမွန်တဲ့အရာတွကို သိရှိလာပြီဆိုရင် သင့်အတွက် ကမ္ဘာလောကကြီးက ပိုမိုလှပပြီး ပျော်ရွှင်စရာဖြစ်လာမှာပါ။
၁၀။ ပေးကမ်းစွန့်ကျဲတတ်အောင် လေ့လာသင်ယူပါ။
ပေးကမ်းစွန့်ကျဲခြင်းဟာ ပျော်ရွှင်မှုရဲ့ အခြေခံဖြစ်ပါတယ်။ များများပေးလေ များများပြန်ရလေပါပဲ။ ပေးကမ်းစွန့်ကျဲတယ်ဆိုရာမှ ငွေကြေးနဲ့ ဥစ္စာပစ္စည်းတွေမှ မဟုတ်ပါဘူး။ မေတ္တာ၊ စေတနာတွေလည်း ပါဝင်ပါတယ်။ အခြားသူတွေကို သင်ပေးကမ်းနိုင်လေလေ သင်ပိုပြီးပျော်ရွှင်ရလေလေ ပဲဖြစ်ပါတယ်။
Credit-gentleman
No comments